Компания басшысына Kaspi.kz-тегі Магазинге қосылу керек.

Ол үшін:

Kaspi Pay серіктесі болу керек.
Ол үшін Kaspi Pay мобильді қосымшасын жүктеп, тіркеуден өтсе болды.
Kaspi Pay-ден соңғы 2 айдың ішінде кемінде 20 күн сату керек.
Бұл бизнестің жұмыс істейтінін әрі сенімді екенін тексеру үшін қажет.

Сізде қанша сатылым бар екенін көру үшін Kaspi Pay мобильді қосымшасында Kaspi.kz-тегі Магазинге өтіңіз. Содан кейін қосылу үшін қажетті күн жиналғанша қосымшаның басты бетінде есептеуіш көрсетіледі.

Kaspi Pay мобильді қосымшасының басты бетінде Kaspi.kz-тегі Магазинді таңдап, экрандағы кейінгі қадамдарды орындаңыз.

Қосылғаннан кейін бірден Kaspi Pay қосымшасында және Kaspi.kz-тегі веб-нұсқада сатушының кабинетіне қолжетімділік аласыз.

Қызметкерлер тауарларды басқару үшін және сатушының кабинетінде тапсырыстарды өңдеу үшін, басшы оларды тапсырыс менеджерлері етіп тағайындауы керек. Мұны екі тәсілмен жасауға болады:

Kaspi Pay мобильді қосымшасында

Kaspi.kz-тегі Магазинге → Еще → Менеджеры заказов деп өтіңіз. «Добавить менеджера заказов» деп басып, қызметкердің телефон нөмірі мен атын көрсетіңіз. Жаңа жұмыскердің деректері «Должны пройти регистрацию» тізімінде көрсетіледі.

Қызметкерге Kaspi Pay қосымшасына сілтемесі бар SMS келеді. Жұмысты бастау үшін оны жүктеп, орнатып, тіркеуден өту керек.

Қолжетімділік алған барлық қызметкер туралы ақпарат «Менеджеры заказов» тізімінде көрсетіледі. Олар сатушының кабинетін Kaspi Pay қосымшасында және оның Kaspi.kz-тегі веб-нұсқасында пайдалана алады. Авторизациядан өту үшін басшы оларды қосқан кезде көрсеткен телефон нөмірін көрсету керек.

Сатушының Kaspi.kz-тегі кабинетінің веб-нұсқасында

«Остальное» бөліміне өтіңіз → Пользователи → Добавить пользователя.

қызметкердің аты мен электрондық поштасын жазыңыз;
менеджер жұмыс істейтін қала мен сату орнының мекенжайын таңдаңыз. Оған барлық дүкенге кіруге рұқсат беру үшін қалалар тізімінен «Все» деп таңдаңыз;
қызметкердің кіру құқығын баптап, «Сохранить» деп басыңыз.

Менеджерге электрондық поштаға авторизациядан өтуге пароль көрсетілген хабарлама келеді.

Назар аударыңыз: егер сіз менеджерді веб-нұсқаға қоссаңыз, ол Kaspi Pay қосымшасында сатушының кабинетіне кіре алмайды. Қызметкер кабинеттің екі нұсқасында да жұмыс істеуі үшін оны Kaspi Pay қосымшасы арқылы тапсырыс менеджері етіп тағайындаңыз.

Сатушының кабинеті