Kaspi Жеткізуге өткізу үшін тауарды қалай дұрыс дайындау керек?

Тауарды көлеміне сай келетін қорапқа немесе курьер-пакетке қаптай аласыз. Материал бірнеше тасымалдауға шыдауы керек, сондықтан буып-түйгенге дейін оның төзімді екеніне көз жеткізіңіз.

Сатып алушыға барар жолда тауардың сақталуын қамтамасыз ету үшін тауарды нұсқаулыққа сәйкес ораңыз. Егер онда тиісті санатты таба алмасаңыз, онда ұсыныстарды орындаңыз:

• Қаптаманы салмағына қарай таңдаңыз. Мысалы, ауыр жүк үшін бес қабатты гофрокартоннан жасалған, ал жеңілірек жүк үшін үш қабатты қорапты пайдаланыңыз.  
   
• Тауарды қаптаманың ішінде бекітіңіз жəне бос жерлерін қағазбен, ауа бар көпіршікті үлдірмен немесе пенопластпен толтырыңыз.
   
• Зауыт қаптамасының сыртқы түрін сақтап қалу үшін тауарды тығыздағышы бар көлік қорабына салып, екі қабат мөлдір созылмалы үлдірмен қабаттап ораңыз. Егер тауар нұсқаулық бойынша буып-түйілмесе, зауыттық қаптаманы бүлдіру бойынша талап-арыз қабылданбайды.
   
• Егер тауардың шыны немесе айна бөлшектері болса, «Осторожно! Хрупкое» таңбасын жапсырыңыз.
   
• Өткір жиектерді жəне заттарды картонмен немесе пенопластпен оқшаулаңыз.
   
• Егер тапсырыста сұйықтық немесе белгілі бір жағдайда тасымалдау қажет тауарлар болса, манипуляциялық белгілерді пайдаланыңыз.
   
• Салмағы 1 кг дейінгі (курьер-пакетсіз) ұсақ тауарлардың қаптамасының көлемі 14 * 20 см-ден кем болмауы керек. Көлемі одан кіші қаптама жөнелтуге қабылданбайды.
   
• Егер тауарда жанармай багы бар болса, онда ол бос болуы керек: бензин, дизель немесе басқа да тез тұтанатын сұйықтық болмауы керек. Ол қабылдау орнында тексерілуі мүмкін, сондықтан тапсырысты бакқа жылдам қол жеткізуге болатындай етіп буып-түйіңіз.
   
• Kaspi.kz қабылдау орнында кезек болмау үшін тауарды өз қоймаңызда буып-түйіңіз.
   
• Буып-түю барысын (күні мен уақытын көрсетіп) бейнежазбаға тіркеңіз. Егер сатып алушыда тапсырыс бойынша сұрақтар немесе наразылықтар туындаса, сіз өз тарапыңыздан міндеттемелердің орындалғанын растай аласыз.

Назар аударыңыз: егер орау талаптары орындалмаса, Kaspi.kz-тегі Магазин Kaspi Жеткізу кезінде тауардың зақымдануы үшін өтемақы төлеуден бас тартуы мүмкін.