Бірнеше себебі болуы мүмкін:

Сіз тапсырысты Kaspi.kz-тің қабылдау орнына уақытында өткізіп үлгермедіңіз

Тауарларды Kaspi.kz-тің қабылдау орнына тапсырыс туралы ақпаратта көрсетілген күні өткізу керек. Өткізу кестесі қоймаңыздың баптауына байланысты. «Тапсырыс қабылданғаннан кейінгі жеткізу мерзімі» бөлімінде өзіңіз белгілеген уақытты тексеріңіз.

Уақыты	Өткізу кестесі
12:00-ге дейін	10:00–16:00
12:00-ден кейін	10:00–20:00

Егер тауарды өткізіп үлгермесеңіз, оны келесі күні сол кесте бойынша әкеліңіз.

Қабылдау орнында 3 күннен астам уақыт жатқан тапсырыстарыңыз бар, оларды сатып алушылар қайтарған не бас тартқан
Сіз тауарды алып кетуіңіз керек. Содан кейін бірден Kaspi Жеткізуге осы қабылдау орнына жаңа тапсырыстар бере аласыз.

Тапсырыстың қаптамасы талаптарға сәйкес келмейді
Өлшеміне қарай тауарды қорапқа немесе курьер-пакетке буып-түюге болады. Материал бірнеше тасымалға төтеп беруге тиіс, сондықтан орау алдында оның беріктігіне көз жеткізіңіз.

Тауардың сатып алушыға барар жолда сақталуын қамтамасыз ету үшін мына ұсынымдарды орындаңыз:

салмағына байланысты қаптаманы таңдаңыз. Мысалы, ауыр жүк үшін бес қабатты гофрокартоннан жасалған, жүк үшін – үш қабатты картоннан жасалған қорапты пайдаланыңыз;
тауарды қаптаманың ішінде белгілеңіз және бос жерін қағазбен, ауа көпіршікті пленкамен немесе басқа толтырғышпен толтырыңыз;
зауыт қаптамасының сыртқы көрінісін сақтау үшін тауарды стрейч-пленканың екі қабатымен орап, тығыздағышы бар көлік қорабына салыңыз;
егер тауардың шыны немесе айна бөлшектері болса, «Сақ болыңыз» немесе «Шыны» деген таңбаны жапсырыңыз;
өткір жиектер мен заттарды картонмен немесе көбікпен оқшаулаңыз;
егер тапсырыста белгілі бір жағдайда тасымалдау қажет тауар болса, арнайы таңбалауды пайдаланыңыз;
салмағы 1 кг дейінгі (курьер-пакетсіз) ұсақ тауарлардың қаптамасының өлшемі 14 * 20 см-ден кем болмауы керек. Кіші өлшемдегі қаптама жөнелтуге қабылданбайды;
егер тапсырыста қымбат немесе нәзік тауарлар болса, қаптау барысын (күні мен уақыты бар) бейнежазбаға түсіріңіз. Егер сатып алушының тапсырыс бойынша сұрақтары немесе шағымы болса, сіз өз тарапыңыздан міндеттемелердің орындалғанын растай аласыз. Егер тауар ереже бойынша буып-түйілмесе, Kaspi.kz-тегі Магазин талаптарыңызды қабылдамауы мүмкін.

Тапсырыстан бірнеше ұсақ тауарды бірге орап, бір жүкқұжатты басып шығаруға болады. Егер тауар көлемді және бірнеше бөліктен тұрса, оларды бөлек ораңыз, Мысалы, кондиционер екі модульден тұрады және екі қорапта болады.

Тапсырысыңыздың көлемі немесе салмағы осы қабылдау орны үшін рұқсат етілетіндерден үлкен
Жұмыс кестесі, осы қабылдау орнында жөнелтуге болатын тапсырыстардың көлемі мен салмағы туралы толық ақпаратты білу үшін, ол белгіленген қызыл нүктені басыңыз.

%вставка пункты_приема(Карта пунктов приема )%%вставка пункты_приема(Карта пунктов приема )%%вставка пункты_приема(Карта пунктов приема )%