Kaspi.kz қосымшама Push-хабарламалар келмейді. Не істеу керек?

Бірнеше себебі болуы мүмкін:
 

Қосымшада немесе телефон баптауында Push-хабарламалар өшірілген
Kaspi.kz қосымшасында авторизациядан өтіп, «Баптауға» кіріңіз де, бұл опцияны қосыңыз.

Интернет-қосылыс жоқ
Wi-Fi-ды немесе интернетті тексеріңіз, қосылғаннан кейін жаңа хабарламалар қосымшада келеді.

Өнім бойынша Push-хабарламалар өшірілген
Kaspi.kz қосымшасында «Хабарлама» сервисін ашыңыз. Егер өнім атауының қасында сызылған динамиктің суреті болса, ол бойынша қалқымалы хабарламалар өшірілген.

Оларды қосу үшін iOS-та оның атауының бойынан оңнан солға қарай жүргізіңіз, Android-та оған басыңыз да, ұстап тұрыңыз. Сосын қоңырау белгісін басыңыз.

Мына жағдайларда Push-хабарламалар шықпайды:

• бонус есептеу;
• Kaspi QR-мен төлеу;
• Kaspi.kz-тегі «Төлемдер» сервисінде қызмет ақысын төлеу;
• Kaspi.kz қосымшасында кредит немесе Kaspi Red шотын төлеу;
• Kaspi.kz-тегі Магазинде тапсырыс ақысын төлеу;
• өз шоттарының арасында және Kaspi клиентіне ақша аудару.

Хабарлама бар-жоғын тексеру үшін Kaspi.kz қосымшасында «Хабарлама» сервисін ашыңыз.
 

Егер бірде-бір себебі расталмаса, Kaspi.kz қосымшасында Kaspi Гид-пен Чатқа  жазыңыз. Біз көмектесуге тырысамыз.