Cатып алушы Қазақстан бойынша Kaspi Жеткізумен жіберілген тапсырысты қайтарып берді. Қабылдау орнына қайтаруды қалай қабылдаған дұрыс?

Зақымдалмағанына көз жеткізу үшін тауардың көліктік қаптамасын тексеріңіз. Қабылдау-өткізу актісіне қол қойып, тапсырысты алып кетіңіз.

Егер тауардың көліктік қаптамасы зақымдалса, оны Kaspi.kz-тің қабылдау орнының қызметкерінің көзінше ашыңыз. Егер тауар кем шықса не оның ақауы болса, өтемақы алу үшін шағым бере аласыз. Ол үшін үлгіні толтырыңыз.

Оң шешім қабылданған жағдайда, ақша Kaspi Pay шотына түседі. Сізге мобильді қосымшаға бұл туралы Push-хабарлама келеді.

Назар аударыңыз: сіз сатып алушылар қайтарған немесе бас тартқан тапсырыстар Kaspi.kz-тің қабылдау орнына түскеннен кейін 3 күннің ішінде алып кетуіңіз керек. Бұл жағдайда ғана тауарды Kaspi Жеткізуге осы қабылдау орнына бере аласыз.