Kaspi.kz-тегі Магазинде тауарға алдын ала тапсырыс дегеніміз не?

Алдын ала тапсырыс — қолда  әлі жоқ тауарды сату мүмкіндігі. Мысалы, егер тапсырысқа өнім сатып алып жатсаңыз, онда клиенттерге бұл тауарды қоймаға түскенге дейін сатып алуды ұсына аласыз.

Ол үшін тауарды сатушы кабинетінің веб-нұсқасында прайс-парақтың көмегімен сатуға қою керек. Әдіс прайс-парақтың пішіміне байланысты:

Excel

Бос үлгіні пайдаланыңыз немесе Тауарларды басқару → Прайс-парақ → Excel форматында көшіріп алу бөлімінде каталогыңыз бар прайс-парақты жүктеп алыңыз.

Файлды толтырыңыз. Preorder жолында тауардың қоймаңызда қанша күннен кейін болатынын көрсетіңіз.

«Прайс-парақты салу» деп  басып, толтырылған файлды таңдаңыз. Каталогыңыз 15 минуттың ішінде жаңартылады.

XML

XML-файлын серверіңізге салып, оған сілтемені  Тауарлар → Прайс-парақты салу→ Автомат түрде салу бөлімінде қойыңыз.

Availability бөлімінде preorder параметрін толтырыңыз.

Алдын ала тапсырыс мерзімі — күнтізбелік 30 күн немесе одан аз. Ол сіз тауарды сататын бір қаладағы барлық қойма үшін бірдей болуы тиіс.

Назар аударыңыз: тауар карточкасын өңдемеңіз, әйтпесе сатып алушылар оған алдын ала тапсырысты ресімдей алмайды. Бұл үшін прайс-парақты пайдаланыңыз.