Kaspi.kz-тегі Магазинде тауардың әртүрлі өлшемдерін немесе түстерін бір карточкаға қалай біріктіреді?

Сізге өтінім жіберу керек. Мұны екі тәсілмен жасауға болады:

Kaspi Pay қосымшасында 

Kaspi.kz-тегі Магазин → Тауарлар деп өтіңіз.

сатушы кабинетінің веб-нұсқасында

«Тауарларды басқару» бөліміне өтіңіз.

Қажетті тауардың карточкасын таңдап, «Тауар нұсқаларын біріктіру» деп басыңыз. Жүйе сол санат пен брендке тиесілі тауарларды ұсынады.

Моделі немесе негізгі сипаттамалары бойынша сәйкес келетін тауарларды белгілеп, өтінім жіберу үшін «Біріктіру» деп басыңыз. Қарау мерзімі экранда көрсетіледі, содан соң тауарлар автоматты түрде біріктіріледі.

Тексеру нәтижесін тауардың карточкасынан көре аласыз. Егер өтінім модерациядан толық немесе ішінара өтпесе, бас тарту себебін көре аласыз. Ол үшін «Толығырақ білу» деп басыңыз.