Бірнеше себебі болуы мүмкін:

Сіз тапсырысты Kaspi.kz-тің қабылдау орнына уақытында өткізіп үлгермедіңіз

Тауарларды Kaspi.kz-тің қабылдау орнына тапсырыс туралы ақпаратта көрсетілген күні өткізу керек. Өткізу кестесі қоймаңыздың баптауына байланысты. «Тапсырыс қабылданғаннан кейінгі жеткізу мерзімі» бөлімінде өзіңіз белгілеген уақытты тексеріңіз.

Уақыты	Өткізу кестесі
12:00-ге дейін	10:00–16:00
12:00-ден кейін	10:00–20:00

Егер тауарды өткізіп үлгермесеңіз, оны келесі күні сол кесте бойынша әкеліңіз.

Қабылдау орнында 3 күннен астам уақыт жатқан тапсырыстарыңыз бар, оларды сатып алушылар қайтарған не бас тартқан
Сіз тауарды алып кетуіңіз керек. Содан кейін бірден Kaspi Жеткізуге осы қабылдау орнына жаңа тапсырыстар бере аласыз.

Тапсырыстың қаптамасы талаптарға сәйкес келмейді
Өлшеміне қарай тауарды қорапқа немесе курьер-пакетке буып-түюге болады. Материал бірнеше тасымалға төтеп беруге тиіс, сондықтан орау алдында оның беріктігіне көз жеткізіңіз.

Тауардың сатып алушыға барар жолда сақталуын қамтамасыз ету үшін мына ұсынымдарды орындаңыз:

Қаптаманы салмағына қарай таңдаңыз. Мысалы, ауыр жүк үшін бес қабатты гофрокартоннан жасалған, ал жеңілірек жүк үшін үш қабатты қорапты пайдаланыңыз.
Тауарды қаптаманың ішінде бекітіңіз жəне бос жерлерін қағазбен, ауа бар көпіршікті үлдірмен немесе пенопластпен толтырыңыз.
Зауыт қаптамасының сыртқы түрін сақтап қалу үшін тауарды тығыздағышы бар көлік қорабына салып, екі қабат мөлдір созылмалы үлдірмен қабаттап ораңыз. Егер тауар нұсқаулық бойынша буып-түйілмесе, зауыттық қаптаманы бүлдіру бойынша талап-арыз қабылданбайды.
Егер тауардың шыны немесе айна бөлшектері болса, «Осторожно! Хрупкое» таңбасын жапсырыңыз.
Өткір жиектерді жəне заттарды картонмен немесе пенопластпен оқшаулаңыз.
Егер тапсырыста сұйықтық немесе белгілі бір жағдайда тасымалдау қажет тауарлар болса, манипуляциялық белгілерді пайдаланыңыз.
Салмағы 1 кг дейінгі (курьер-пакетсіз) ұсақ тауарлардың қаптамасының көлемі 14 * 20 см-ден кем болмауы керек. Көлемі одан кіші қаптама жөнелтуге қабылданбайды.
Егер тауарда жанармай багы бар болса, онда ол бос болуы керек: бензин, дизель немесе басқа да тез тұтанатын сұйықтық болмауы керек. Ол қабылдау орнында тексерілуі мүмкін, сондықтан тапсырысты бакқа жылдам қол жеткізуге болатындай етіп буып-түйіңіз.
Kaspi.kz қабылдау орнында кезек болмау үшін тауарды өз қоймаңызда буып-түйіңіз.
Буып-түю барысын (күні мен уақытын көрсетіп) бейнежазбаға тіркеңіз. Егер сатып алушыда тапсырыс бойынша сұрақтар немесе наразылықтар туындаса, сіз өз тарапыңыздан міндеттемелердің орындалғанын растай аласыз.

Тапсырыстан бірнеше ұсақ тауарды бірге орап, бір жүкқұжатты басып шығаруға болады. Егер тауар көлемді және бірнеше бөліктен тұрса, оларды бөлек ораңыз, Мысалы, кондиционер екі модульден тұрады және екі қорапта болады.

Тапсырысыңыздың көлемі немесе салмағы осы қабылдау орны үшін рұқсат етілетіндерден үлкен
Жұмыс кестесі, осы қабылдау орнында жөнелтуге болатын тапсырыстардың көлемі мен салмағы туралы толық ақпаратты білу үшін, ол белгіленген қызыл нүктені басыңыз.

«Шиналар» санатындағы тауарларды габариті мен салмағы бойынша шектеусіз тек пункттерге беруге болады.

%вставка пункты_приема(Карта пунктов приема )%%вставка пункты_приема(Карта пунктов приема )%%вставка пункты_приема(Карта пунктов приема )%