Kaspi.kz-тегі Магазиннің сатушысы сатып алушылармен жұмыс жасауда бірқатар ережені сақтауға міндетті.

Kaspi.kz-тегі Магазиннің Серіктесіне мыналарға:

1. Тапсырысты өңдегенде

1.1 Тапсырыстан бас тартудың дұрыс емес себебін көрсетуге немесе cатып алушының тапсырыстан бас тартуын өтінуге;

1.2 Тапсырыстың орнына ақша беруге;

1.3 Тапсырысты сатып алушыға бергенге дейін сатып алушыдан сұратылған кодты енгізуді қоса алғанда, тауар сатып алушыға берілгенге дейін тапсырысты аяқтауға;

1.4 Тапсырысты назардан тыс қалдыруға, тауарларды сатып алушыға бермеуге немесе жеткізбеуге;

1.5 Егер тапсырыс кредитке немесе бөліп төлеуге ресімделсе, сатып алушыдан төлемді жартылай қабылдауға тыйым салынады. Сатып алушы серіктеске ештеңе төлемеуі керек. Сатылған тауардың ақшасы тауарды сатып алушыға бергеннен кейін серіктестің банктік шотына түседі.

1.6 Сатып алушының келісімінсіз Тапсырыстағы тауардың санын өзгертуге;

1.7 Тауарды басқасына ауыстыру туралы ұсыныспен немесе шындыққа сәйкес келмейтін себебін көрсетіп, тапсырыстан бас тартуды өтініп, сатып алушыға телефон соғуға немесе жазуға тыйым салынады.

2. Өзі жеткізгенде (Серіктестік)

2.1 Егер тапсырыста үйдің немесе пәтердің нөмірі көрсетілсе, сатып алушыға есікке дейін жеткізуден бас тартуға;

2.2 Сатып алушының келісімінсіз жеткізу мерзімін ұзартуға;

2.3 Сатып алушылардан көлемі үлкен тауарды жоғары қабатқа көтергені үшін қосымша ақы төлеуді талап етуге тыйым салынады.

3. Тауардың сапасы бойынша

3.1 Сатып алушыға тапсырыста көрсетілгенге сәйкес келмейтін немесе толық жиынтықталмаған тауарды беруге немесе жіберуге;

3.2 Сатып алушыларға көрсету үшін пайдаланылған, ашылған тауарды сатуға;

3.3 Бұрын пайдаланылған, жарамдылық мерзімі өткен немесе өндірушінің кепілдік мерзімі өткен тауарларды, сондай-ақ қолдан жасалған тауарларды сатуға;

3.4 Сатып алушыға сапасы лайықсыз тауарды беруге немесе жіберуге;

3.5 Сайтта тауарларды ақы төлеудің басқа тәсілдерімен салыстырғанда, төлем құралын пайдаланып, соның ішінде жеңілдікті (науқандарды) ескере отырып сатып алынатын сол тауардың көтеріңкі құнымен сатуға;

3.6 Тауарды жиынтықтағаны үшін қосымша ақы талап етуге тыйым салынады.

4. Тауарды қайтарғанда

4.1 Сатып алушыға айырбастаудың немесе қайтарудың орнына сапасыз тауарды жөндеуді ұсынуға; Сатып алушының келісімінсіз сапасыз тауарды жөндеуге;

4.2 Серіктес сатып алушыдан тауарды алғаннан кейін тауарды қайтару туралы шешімді әдейі кешіктіруге;

4.3 Сатып алушыға сапасыз, сондай-ақ тиісті сападағы тауарды немесе тауар түрі сақталғанда сатып алғаннан кейін күнтізбелік 14 күннің ішінде оны айырбастаудан немесе қайтарудан бас тартуға;

4.4 Егер Сатып алушы жөндеуге келіссе, Тауардың кемшіліктерін жою мерзімін күнтізбелік 10 күннен асыруға;

4.5 Сатып алушыдан тауардың сапасына сараптама жүргізу үшін ақы талап етуге және сараптаманы күнтізбелік 30 күннен асыруға; Сатып алушыдан сараптаманы өз бетінше және оның есебінен жүргізуді талап етуге;

4.6 Тауарды қайтарған немесе айырбастаған кезде сатып алушыдан комиссияны ұстап қалуға немесе одан ақша сұрауға;

4.7 Сатып алушыдан тауарды қайтару, одан бас тарту себебін өзгертуді сұрауға немесе тауарды қайтарудың күшін жоюға, сондай-ақ сол үшін ақшалай немесе кез келген басқа сыйақы ұсынуға;

4.8 Сатып алушыға Тауарды заңды себепсіз қайтарудан бас тартуға;

4.9 Тауарды авторизациядан өткен сервистік орталыққа нақты сараптамаға бермей «Сараптамада» күйін көрсетуге тыйым салынады.

5. Сатушының кабинетінде жұмыс істегенде

5.1 Үшінші тұлғалардың сатушының кабинетіне кіруіне рұқсат беруге;

5.2 Магазиннің жұмыскерлерімен бейресми арналар арқылы жеке байланысуға тырысуға;

5.3 Kaspi.kz мобильді қосымшасынан тыс бейресми байланыс арналарын пайдалануға немесе сатып алушыдан олар арқылы тапсырыс бойынша байланысуын сұрауға тыйым салынады.

6. Рейтинг бойынша

6.1 Рейтингті басқару үшін тапсырысты өз дүкендерінде немесе бәсекелес дүкендерде ресімдеуге және бұл үшінші тұлғалармен сөз байласуға;

6.2 Kaspi.kz-тегі оң пікір білдіргені үшін, пікірді өзгерткені немесе жойғаны үшін сатып алушыларға ақшалай немесе кез келген басқа сыйақы ұсынуға тыйым салынады

7. Баға белгілеу бойынша

7.1 Тауардың құнына қосымша қызметтерді қосуға тыйым салынады.

8. IMEI-ді сәйкестендіргенде және тіркегенде

8.1 Егер MEI-коды сатушының кабинетінде көрсетілгенге сәйкес келмесе, құрылғыны сатып алушыға беруге немесе жіберуге;

8.2 IMEI-коды ЦДИАӨМ сәйкестендіру кодтарының деректер базасында тіркелмеген құрылғыны клиентке беруге немесе жіберуге;

8.3 Сатып алушыдан құрылғының IMEI-кодын өз бетінше тіркеуін өтінуге тыйым салынады.

9. Егер Серіктес осы ережелерді бұзса, жағдайды түзету және Kaspi.kz-тегі Магазиннің сервисін жақсарту үшін мына шаралар қолданылуы мүмкін:

9.1 Бұзушылық туралы ескерту.

9.2 Kaspi.kz-тегі Магазиннің сервистеріне қолжетімділікті шектеу.

9.3 Бұзушылыққа байланысты тауарларды сатылымнан алып тастау.

9.4 Ынтымақтастықты тоқтату.

Kaspi.kz-тегі Магазинмен жұмыс істеу ережесі атты құжатты жүктеп алу.

Kaspi.kz-тегі Магазинде сату үшін қандай комиссия бар?