«Kaspi QR-мен науқандар» – Kaspi Pay мобильді қосымшасындағы сервис, оның көмегімен Kaspi Kredit серіктестері құнын 6, 12 немесе 24 айға бөліп төлеу арқылы науқандарға қатыса алады.
Науқан кезінде серіктестердің сату көлемі 3 еседен артық өседі.
Kaspi QR-мен науқандарға мына өлшемшарттарға сәйкес келетін Kaspi Pay-дің барлық серіктестері қатыса алады:
- Kaspi Kredit-ке қосылған.
Мұны компания басшысы ғана жасай алады.
Мобильді қосымшада Kaspi Pay бөліміне өтіп, «Подключить Kaspi Kredit» деп басыңыз да, экрандағы кейінгі қадамдарды орындаңыз.
Маңызды: Kaspi Kredit-ке қосылу үшін Kaspi Pay-мен соңғы 2 айдың ішінде кемінде 20 күн сату керек. Бұл бизнестің жұмыс істеп тұрғанын және сенімді екенін тексеру үшін қажет.
- Шартты және жұмыс істеу ережесін бұзбайды.
Жұмыс істеу ережесі бұзылған жағдайда ынтымақтастықты тоқтатуға дейін шектеу шаралары қолданылады.
Kaspi QR-мен науқанға қосылу үшін Kaspi Pay мобильді қосымшасында Маркетинг → Акции с Kaspi QR сервисіне өтіп, өзіңізге сәйкес келетін науқандардың шарттарымен танысып, қатысуыңызды растаңыз. Компанияның басшысы, сондай-ақ «Управляющий» немесе «Kaspi Marketing менеджері» рөлі бар қызметкеріне сервис қолжетімді.
Kaspi QR-мен науқандарға мына санаттар қатыспайды:
- АЖҚС;
- Кинотеатрлар мен театрлар;
- Ұшаққа және т/ж билеттері.
Назар аударыңыз: тізім өзгеруі мүмкін.