Жалпыға бірдей белгіленген режимдегі ЖК қандай салық пен аударымдарды төлеуі керек?

Жалпыға бірдей белгіленген режимдегі ЖК ай сайын:

 

Өзі үшін

 

МЗЖ* — міндетті зейнетақы жарналарын;

ЖБМЗЖ* — жұмыс берушінің міндетті зейнетақы жарналары;

ӘА* — әлеуметтік аударымдарды;

МӘМСЖ — медициналық сақтандыруға жарна төлейді;
ӘС — әлеуметтік салық төлейді.

 

ЖК мөлшерін өзі анықтайды, ең азы МЗЖ үшін – 8 500 ₸ және ӘА үшін 4 250 ₸.

 

Табыс түспеген ай үшін өзіңіз үшін МЗЖ, ЖБМЗЖ, ӘА және ӘС-ны төлеу міндетті емес. Табыс түспесе де, МӘМСЖ-ны ай сайын төлеп отыру керек.

 

Жалдамалы жұмыскер үшін — ай сайын

 

МЗЖ — міндетті зейнетақы жарналарын;

ЖБМЗЖ — Жұмыс берушінің міндетті зейнетақы жарналары;

ӘА — әлеуметтік аударымдарды;

МӘМСЖ — медициналық сақтандыруға жарна;

МӘМСА — медициналық сақтандыруға аударымдарды;

ЖТС — жеке табыс салығын;

ӘС — әлеуметтік салық төлейді.

 

Өзіңіз үшін және жұмыскерлер үшін салықты әр айдың 25-іне дейін төлеу керек.

 

Табыс түспеген ай үшін жұмыскерлер үшін ӘС-ны төлеу міндетті емес.

 

Табысқа салынатын салық

 

ЖТС — жеке табыс салығы — жыл қорытындысы бойынша келесі жылғы 31 наурызға дейін;

 

ЖК қызметінің түріне қарай басқа салық.

Мысалы: көлік, мүлік, жер салығы және т.б.

 

Назар аударыңыз: егер жыл бойы компанияның табысы 20 000 АЕК-ден асып кетсе, сіз ҚҚС бойынша есепке тұрып, оны тоқсанына бір рет төлеуіңіз керек.