Kaspi POS-та сату орнының мекенжайы мен атауын қалай өзгертеді?

Мұны тек компанияның басшысы және «Басқарушы» рөліндегі қызметкер істей алады.

 

Егер сізде Kaspi Касса қосылған болса, мекенжайды өңдемес бұрын оны ажырату қажет.

Ол үшін Kaspi Pay мобильді қосымшасында Kaspi Касса сервисіне өтіп, қажетті орынды таңдаңыз, «Касса туралы» қосымша бетін ашып,  «Kaspi Кассаны өшіру» деп басыңыз да, экрандағы кейінгі қадамдарды орындаңыз.

 

Ары қарай Kaspi Pay сервисінде:

 

•    «Сауда орындары мен кассирлер» қосымша бетіне өтіңіз;
•    қажетті орынды таңдап, оң жақтағы үш нүктені басыңыз;
•    «Мекенжайы мен атауын өзгерту» деп көрсетіп, жаңа деректерді енгізіңіз.

 

Атауда әріптер немесе әріптер мен цифрлар ғана болу керек. Мыналарды қолдануға болмайды: 

 

• эмодзи;
• арнайы символдар;
• тек цифрлар;
• арандатушы сөздер;
• балағат сөздер;
• «Kaspi» немесе «Каспи» сөздері.

 

Деректерді жаңартқаннан кейін Kaspi Кассаны қайта қосыңыз. Ол үшін Kaspi Pay мобильді қосымшасында Kaspi Касса сервисіне өтіп, қажетті орынды таңдаңыз, «Kaspi Кассаны қосу» деп басыңыз да, экрандағы кейінгі қадамдарды орындаңыз.

Сату орныңыздың атауы мен мекенжайы Kaspi.kz қосымшасында зат сатып алған кезде клиенттерге көрсетіледі.

Ақпарат жаңартылып, бірден Smart POS-пен синхронизацияланады.