Kaspi.kz қызметкерлері неге кредитім бойынша берешегім туралы туыстарыма телефон соғады?

Кредит алғанда сіз берешекті шартта көрсетілген мерзімнен кешіктірмей және ең аз төлемнен кем емес мөлшерде өтеу міндеттемесін қабылдайсыз. Мерзімін өткізіп алсаңыз, міндеттемені бұзғаныңыз. Бұл жағдайда банк заң бойынша сізге берешекті өтеу қажет екенін хабарлауға міндетті.

Банк қызметкерлері ең алдымен сіздің нөміріңізге телефон соғады. Егер сізбен сөйлесе алмаса, банк қосымша байланыс деректерін: үй және жұмыс телефоныңызды, содан кейін ғана сіз шарт ресімдеген кезде сауалнамада көрсеткен туыстарыңыз бен сізбен байланысатын басқа да адамдардың телефонын пайдаланады.

Сіз ұялы телефон нөміріңізді өзгертіп, оны банкке хабарламаған боларсыз — қызметкерлер сізге хабарласа алмай, туысқандарыңызға телефон соққан шығар. Мұндай жағдай болмауы үшін байланыс деректеріңіз өзгерсе, бөлімшеге барып, ескертіңіз.

Кредитті уақытылы төлесеңіз, банк сізді-де, жақындарыңызды да мазаламайды.