Kaspi Travel Business сервисінде ұшақ билетін сатып алдым. Әуе компаниясы рейсті басқа уақытқа ауыстырғанын немесе тоқтатқанын қалай білемін?

Рейс өзгерсе, қызметкерге Kaspi.kz қосымшасындағы Kaspi Travel-ден хабарлама келеді. Онда рейс нөмірі, ұшудың жаңа уақыты және келу орны көрсетіледі.

Рейс тоқтатылса, тарифке қарамастан билетті тегін айырбастауға немесе қайтаруға болады. Ол үшін «Билет туралы мәліметтер» бөлімінен «Билетті айырбастау» немесе «Қайтаруды ресімдеу» деп таңдап, экрандағы нұсқауларды орындаңыз.

Ақша әуе компаниясынан Kaspi Travel Business-ке түскеннен кейін Kaspi Pay шотыңызға аударылады. Kaspi Pay қосымшасына шоттың толықтырылғаны туралы хабарлама келеді.

Егер рейс басқа уақытқа ауыстырылып, жаңа шарттар сізге қолайсыз болса, билетті тасымалдаушының ережелеріне сәйкес айырбастауға немесе қайтаруға болады. Бұл ережелер әуе компанияларының сайттарында жарияланған.