Заңнамаға сай салық органының сұратуымен барлық банктер қатарынан 3 айдың ішінде әртүрлі адамдардан шоттарына айына 100-ден астам аударым алатын жеке тұлғалардың тізімін беруге міндетті.
2023 жылы мемлекеттік қызметшілер мен олардың жұбайы (зайыбы) туралы ақпарат ұсыну басталған.
2024 жылы мемлекеттік мекемелердің, квазимемлекеттік сектордың жұмыскерлері мен олардың жұбайы (зайыбы) тізімге қосылады.
2025 жылы жеке кәсіпкерлер, компаниялардың басшылары, құрылтайшылары мен акционерлері, сондай-ақ оларда үлесі бар адамдар мен олардың жұбайы (зайыбы) тізімге қосылады.
2026 жылы бұл барлық жеке тұлғаға қатысты болады.
Барлық жағдайда алдыңғы жыл үшін мәліметтер беріледі.
Салық органы осы адамдарға қатысты тексеріс бастауы мүмкін, сонда заңның талаптары бойынша кез келген банк олардың шоттары бойынша барлық операция туралы ақпаратты беруі керек.
Егер тауарлар немесе қызметтер үшін төлемді жеке шоттарыңызға ақша аударымы арқылы қабылдасаңыз, кірістен салық төлеуіңіз керек. Төлемегені үшін айыппұл: ол соманың 200%- ы немесе, егер салық 50 000 АЕК-тен көп болса, қылмыстық жауапкершілік көзделген.
Кәсіпкерлік қызмет үшін ЖК-ні тіркеп, төлемді бизнес-шотқа, мысалы, Kaspi Pay-ге алып, салық есебінде оны кіріс ретінде көрсеткеніңіз жөн. Kaspi Pay-де сондай-ақ фискалдық чектерді беру үшін Kaspi Кассаны тегін қоса аласыз.
