Қазақстанда жалпыға бірдей декларациялау бизнесіме қалай әсер етеді?

Жалпыға бірдей декларациялау бизнеске әсер етпейді. Бұл жеке тұлғалардың кірістері мен шығыстары туралы есептілік.

2023 жылғы 1 қаңтардан бастап кіріс туралы декларацияны мемлекеттік қызметкерлер, квазимемлекеттік сектордың, мемлекеттік мекемелердің қызметкерлері және олардың жұбайы (зайыбы) тапсырады.

2024 жылы есептілікті ЖК, сондай-ақ ЖШС, басқа да заңды тұлғалардың құрылтайшылары немесе басшылары және олардың жұбайы  (зайыбы) тапсырады.

2025 жылы - барлық жеке тұлғалар тапсырады.

Бiрiншi рет 250-нысан бойынша активтер мен мiндеттемелер туралы есепті тапсыру керек. Декларацияны қағаз жеткізгіште 15 шілдеге дейін және электрондық түрде 15 қыркүйекке дейін ұсыну керек.

Әр келесі жылы кірістер мен мүлік туралы – 270-нысан толтырылады. Онда қандай жаңа активтердің пайда болғанын және қайсысын сатқаныңызды көрсету керек.

Егер кәсіпкер болсаңыз, декларацияда:
 

• ЖК-тан түскен кіріс туралы хабарлау керек
  егер ЖТС төлеп жүрсеңіз және жеке кәсіпкер ретінде салық есептілігін тапсырып жүрсеңіз, жеке тұлға ретінде бұл сомадан салық төлемейсіз.
   
• акциялар және заңды тұлғалардағы қатысу үлестері бойынша дивиденд түріндегі кіріс  туралы хабарлау керек
  жеке тұлғалар үшін салық алынбайды, өйткені оларды төлейтін ұйым ЖТС өзщ бетінше төлейді.