Баламасы 10 000 АҚШ долларынан көп сомадағы келісімшарт бойынша қалай валютамен ақша аударады?

Валютадағы төлемді мына жолдармен жасауға болады:

Kaspi Pay мобильді қосымшасында

Аударым → Контрагентке.

Kaspi Pay веб-нұсқасында

Төлемдер → Валютамен төлемдер → Жасау.

Үлгіні ағылшын тілінде толтырыңыз. Егер аударым рубльмен болса, бұл жағдайда орыс тілінде жазу қажет:

Жөнелтуші

Ақша есептен шығарылатын шотты таңдаңыз.

Веб-нұсқада автоматты түрде валютадағы шот көрсетіледі.

Алушы

Баламасы 10 000 АҚШ долларынан астам сомаға келісімшартыңыздың бар екенін көрсетіңіз. Оны тізімнен таңдаңыз немесе жаңасын қосып, оны тексеруге жіберіңіз.

Егер сіз делдал контрагентке ақша аударсаңыз немесе оны басқа компания немесе адам үшін жіберсеңіз, нақты төлеушінің немесе алушының мәліметтерін қосыңыз.

Назар аударыңыз: Егер келісімшарт пен инвойс шетел тілінде болса, Kaspi Pay мемлекеттік немесе орыс тіліне аударылған құжатты сұратуға құқылы.

Төлем деректемелері

Мына жолдарды толтырыңыз:

• сома;

  Төменде аударым үшін комиссия мөлшері көрсетілген.

• комиссияны есептен шығару шоты;

  Әдепкі қалпы бойынша Kaspi Pay шоты, бірақ сіз валютадағы қосымша шотты таңдай аласыз.

• төлем мақсаты;

  Тауардың немесе қызметтің атауын қосыңыз.

• валюталық операция коды (ВОК).

  Тек Ресейге рубльмен аудару үшін.

Содан кейін «Растау» деп басып, хабарламадағы кодты енгізіңіз.

Веб-нұсқада жасалған аударымды растау үшін Kaspi Pay мобильді қосымшасында Аударым сервисіне → Расталауға → Шығыс деп өтіп, қажетті төлемді таңдаңыз, «Растау» деп басып, хабарламадағы кодты енгізіңіз.

Аударымды тек компания басшысы және «Басқарушы» рөліндегі қызметкер растай алады.