Kaspi Pay мобильді қосымшасында «Сіздің телефоныңыз қауіпсіздік талаптарына сәйкес келмейді» деген хабарламаны көріп тұрмын. Бұл нені білдіреді?

Бұл құрылғыдағы Kaspi Pay мобильді қосымшасы ҚР Ұлттық Банкінің талаптарына сәйкес уақытша қолжетімді емес.

Қазақстан Республикасы Ұлттық Банкі Басқармасының 2018 жылғы 27 наурыздағы № 48 қаулысының 160-бабының 2-тармағы

Бірнеше себебі болуы мүмкін:

• қашықтан қол жеткізуге арналған қосымшалар орнатылған: TeamViewer, AnyDesk, HopToDesk және тағы басқа.
  Қаскүнемдер осындай бағдарламалар арқылы құрылғыны және шоттарыңызды бақылай алады. Kaspi Pay мобильді қосымшасын пайдалануды жалғастыру үшін оларды өшіріп тастаңыз.
   
• операциялық жүйенің қорғаныс механизмдерінің бұзылғаны анықталды: Android-та root- қолжетімділік немесе iOS-та jailbreak.
  Бұл смартфонның вирустардан, зиянды бағдарламалардан және құпия деректерді ұрлаудан қорғанысын әлсіретеді. Операциялық жүйенің тұтастығын қалпына келтіру үшін ресми сервис орталығына хабарласыңыз.

Сондай-ақ мобильді қосымшаны басқа құрылғыда аша аласыз.