Kaspi.kz қосымшасында өз үйіңізге басқа адамды қалай тіркеймін?

Мемлекеттік қызметтер → Тіркеу → Өз үйіме сервисіне өтіңіз.
 

«Басқа тұрғынды» таңдаңыз. Оның ЖСН енгізіп, тіркеу түрін — тұрақты немесе уақытша тіркеуді таңдаңыз және мекенжайды көрсетіңіз.
 

Тұрғынға Kaspi.kz қосымшасына хабарлама келеді. Ол 24 сағат ішінде сұрауыңызды растай немесе одан бас тарта алады.

Одан кейін тұрғын сауалнаманы толтырып, өтінішке Kaspi ЭЦҚ арқылы қол қоюы керек. Қажет болса, 14 пен 16 жас аралығындағы балаларды да көрсетуге болады.
 

Мемлекеттік органдар өтінімді 15 минут ішінде қарайды. Күйін Мемлекеттік қызметтер → Өтінімдерім сервисінен тексере аласыз.
 

Назар аударыңыз:
 

• егер тұрғын балаларымен бірге тіркелгісі келсе, сізге Kaspi.kz қосымшасына хабарлама келеді. Сіз сұрауды растай немесе одан бас тарта аласыз;
   
• егер тұрғын үйдің меншік иелері үшеу немесе одан көп болса, ХҚКО-ға жүгінуіңіз керек.