Қазақстанда жалпыға бірдей декларациялау дегеніміз не?

Жеке тұлғаларды жалпыға бірдей декларациялау — бұл кірістер мен шығыстар туралы есептілік. Оны:

• Қазақстан Республикасының кәмелетке толған азаматтары;
• салық резиденттері;
• Қазақстанда бизнес жүргізетін бейрезиденттер тапсыруы тиіс.

2023 жылғы 1 қаңтардан бастап кіріс туралы декларацияны мемлекеттік қызметкерлер, квазимемлекеттік сектордың, мемлекеттік мекемелердің қызметкерлері және олардың жұбайы (зайыбы)  тапсырады.

2024 жылы есептілікті ЖК, сондай-ақ ЖШС, басқа да заңды тұлғалардың құрылтайшылары немесе басшылары мен олардың жұбайы (зайыбы) тапсырады.

2025 жылы — барлық жеке тұлғалар тапсырады.

Бiрiншi рет 250-нысан бойынша активтер мен мiндеттемелер туралы есеп тапсыру керек.

Әр келесі жылы кірістер мен мүлік туралы  270-нысан толтырылады. Онда қандай жаңа активтердің пайда болғанын және қайсысын сатқаныңызды хабарлауыңыз керек.