Депозит ашу үшін кез келген Kaspi.kz бөлімшесіне баруыңыз керек. Ол үшін өзіңізбен бірге мыналарды ала баруыңыз керек:

1. Қазақстандық нөмірі бар ұялы телефон.

2. Шетелдік паспорт.

3. Қазақстандық ХҚКО-да алған ЖСН нөміріңіз.

4. Қазақстанда болуға құқық беретін кез келген құжат:

болуы туралы хабарлама;
виза немесе визаны алмастыратын құжат;
уақытша тіркеу туралы анықтама;
паспорттағы ҚР шекарасынан өткенi туралы мөртабан (тек ЕАЭО азаматтары үшін);
паспорттағы тұрғылықты жері бойынша тіркеу;
еңбек қызметіне рұқсат;
ҚР берген пана іздеген адамның куәлігі;
ҚР берген босқын куәлігі;
студенттік билет немесе оқу орнынан анықтама;
еңбек шарты;
емдеу мекемесі берген құжат;
шетелдіктің ҚР аумағына келу және болу құқығын растайтын өзге де құжат.

Ресей, Түркия, Қытай және ЭЫДҰ-ның басқа елдерінің азаматтарына қосымша мәлімет қажет болады. Елдер тізімімен ЭЫДҰ бойынша жаднамада таныса аласыз.

АҚШ азаматтары FATCA бойынша жаднамадан мәліметтер беруі керек.

Назар аударыңыз: Қазақстан Республикасының Салық кодексіне өзгерістер енгізілуіне байланысты шетел азаматтары 2018 жылғы 1 қаңтардан бастап депозиттеріне ай сайын есептелген сыйақыдан салық төлеуге міндетті:

салық жеңілдігі бар елдерден келген азаматтар үшін — 20%
қалған елдерден келген азаматтар үшін — 15%

Салық салынбауы үшін Kaspi-дің шетелдік клиенттері салық резиденті мәртебесін растауы керек — кез келген Kaspi.kz бөлімшесіне елде тұруға берілген рұқсатын немесе салық органынан растайтын құжатты апару керек. Толық ақпарат жаднамада.

Қанша Жинақтаушы Kaspi Депозит ашуға болады?